喺我認識同認知嘅所有成功人仕，
每一個，都充滿信心、希望、正能量。

...

喺我認識同認知嘅所有成功人仕，
每一個，都充滿信心、希望、正能量。

但喺生活入面，總有啲人，每日發放負能量，
每日都黑口黑面，每日都唉聲嘆氣，
怨天怨地怨自己，投訴呢樣，投訴嗰樣，
好似全世界都欠咗佢咁！

你有冇遇過？

同呢啲人一齊，你會發覺，好辛苦，
佢哋有一種能力，會吸收你嘅正能量，
不知不覺間，你都會俾佢哋影響到，
然後自己都會變得好消極，好負面，好頹。

每當我見到呢啲人，我只會有兩個做法：
輕微嘅，激勵佢，希望佢改；
嚴重嘅，祝福佢，然後即閃。

人生好短，唔值得為吸走你快樂嘅人嘥時間。

記住：
「想要自己嘅生活馬上過得好d，
請你即刻遠離身邊負能量嘅人，
同多啲正面、積極、樂觀嘅人相處，
你會發現，生命其實係可以好美好！」

P.S. 張相唔關事，純粹覺得影得我老婆幾靚，
因為blur咗😂😂😂😂😂😂😂

---